Një çift shqiptar është arrestuar nga karabinierët në Itali, pasi u janë gjetur në garazhin e makinës drogë dhe municione. Shqiptarët u arrestuan, pas një kontrolli të policisë në 3 garazhe makinash në posedim të çiftit në lagjen “Niguarda”, në qytetin e Milanos.
Policia gjeti dhe sekuestroi 122 kilogram marijuanë, 4 kilogramë kokainë si dhe 132 gram hashash, të cilat dyshohet se do trafikoheshin. Gjithashtu karabinerët sekuestruan edhe një pistoletë me 46 plumba 9mm e cila rezulton e vjedhur, 10 000 euro, pajisje kompjuterike si dhe 3 makina që dyshohet se përdoreshin për transportin e lëndëve narkotike.
Policia vijon hetimet për persona të tjerë të përfshirë në këtë veprimtari kriminale.
Itali, drogë, municione dhe 10 mijë euro, policia arreston çiftin shqiptar
