Ka ndërruar jetë në moshën 117-vjeçare Ema Morano, e cila mendohet se ishte gruaja më e vjetër në botë.
Ema ka lindur në Civiasco të provincës së Vercellit më 29 nëntor 1899. Më 29 nëntor të vitit të kaluar kishte mbushur 117 vjet. Ajo vdiq në shtëpinë e saj në moshën 117 vjet e 137 ditë. Mendohet se Ema Morano është gruaja që ka jetuar më shumë në tokë në të gjithë kohërat. Për vite të tëra ajo nuk e ka lënë shtëpinë në Pallanza dhe në banesën e saj kishin mbërritur gazetarë e studiues nga mbarë bota për të gjetur se cili ishte sekreti i jetëgjatësisë së saj.
Ema Morano e ka humbur djalin e vetëm në vitin 1937, kur e kishte vetëm 6 muajsh. Një vit më vonë ishte ndarë nga bashkëshorti, për shkak se ai ushtronte dhunë ndaj saj. Më vonë, ajo ka jetuar e vetme dhe se ndiqte këshillat e mjekëve. Ema hante thuajse çdo ditë nga tri vezë. Jeta e saj ka qenë thuajse monotone dhe në ndonjë vit mund të ketë pësuar ndonjë ndryshim të vogël.
Ndërron jetë gruaja më e moshuar në botë
