Meta: Rama të mos jap shkak për konflikte dhe të mos bëjë ftesa formale për dialog me Bashën

Kreu i LSI-së Ilir Meta ka shprehur keqardhjen që ende dialogu opozitë – mazhorancë, nuk po ecën.
Duke ripërsëritur qëndrimin se LSI do të vazhdojë të bëjë më të mirën, ai i ka bërë apel aleatit të tij Edi Rama, që të mos jap shkak për konflikte dhe të mos bëjë ftesa formale për dialog me opozitën.
“Keqardhje që ende asgjë nuk ka lëvizur në drejtim të dialogut dhe zgjidhjes. Vetëm kanë ndryshuar afatet nga opozita. Kjo na çon në një krizë, efektet e të cilës nuk mund tim parashikojmë . LSI ka bërë dhe do të bëjë më të mirën për dialog për zgjidhje dhe dialog të standardeve europiane. Nuk duhet të shohim se kush është më i fortë apo kush e tërheq litarin më fort. Duhet ta shohim si çështje tolerance, largpamëse. Sepse kemi shumë çështje për të zgjidhur bashkë. Kushtetuta është shumë  e rëndësishme por me  themele demokratike siç thotë dhe vetë, vota e qytetarëve është e barabartë. Nëse nuk do ishte problemi i dekriminalizimit drejtësia do të ishte vendosur. Është një problem serioz që ka nevojë për konsensus. Dekriminalizimi ka dalë totalisht jashtë kontrollit, dhe do të kthehet në një problem shqetësues për ekonominë për të gjithë vendin.
Secili ka përgjegjësitë  e veta por nuk duhet të përsërisim gabimet e njëri-tjetrit.
Edi Rama nuk është vetëm Kryeministër i Partisë Socialiste, apo vetëm i këtij koalicioni. Ai është Kryeministër i Shqipërisë, i të gjithëve dhe duhet të premtojë besim. Jo vetëm të ftojë formalisht për dialog opozitën por edhe të mos japë shkak për konflikte”, u shpreh meta në fjalën e tij në Komitetin Drejtues Kombëtar të LSI.
DRONI.al

/DRONI.al/