Kreu i Partisë Demokratike ka zhvilluar sot një vizitë ngushëllimi në familjen e komisarit të vrarë, Artan Cuku.
Vizita e Bashës vjen tre ditë pas vrasjes së ish-drejtorit të policisë së Vlorës.
Pas ekzekutimit mafioz të Artan Cukut policia ka marrë në ruajtje familjen e tij. Një patrullë policie qëndron përgjatë 24 orëve në mbikëqyrje të banesës se tij, derisa të përcaktohet pista e ngjarjes.
Qe prej të shtunës, më dhjetëra dëshmitarë kanë dhënë deklarimet e tyre në policinë e Tiranës.
Organi i akuzës dyshon se kemi të bëjmë me ekzekutim mafioz të grupeve kriminale.
Për këtë është urdhëruar marrja në shqyrtim e të gjitha dosjeve, të cilat kanë qenë nën hetim nga ish-kreu i policisë së Vlorës.
Hetimi është fokusuar në qytetin bregdetar, kjo për shkak se gjatë periudhës në të cilën Cuku ka punuar, janë rihapur dosje të vjetra dhe organizuar mbi disa operacione për trafik ndërkombëtar narkotikësh si dhe per disa grabitje te bujshme.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
