Gazetari Artan Hoxha zbardh dinamikën vrasjes së Artan Cukut

Gazetari i njohur Artan Hoxha ka zbardhur dinamikën  vrasjes së oficerit të Policisë Artan Cuk, mbrëmë pranë banesës së tij.
I ftuar në rubrikën “Opinion” në studion e lajmeve në News 24, gazetari Hoxha thotë se një person i dyshimtë është parë nga bashkëshortja e Cukut në hyrje të pallatit, madje ajo ka folur më të.
Gazetari Hoxha ka sqaruar se Artan Cuku me bashkëshorten e tij dhe fëmijët e vegjël janë kthyer në mbrëmje, përpara se të ndodhte krimi, në banesë. Ka qenë bashkëshortja e tij ajo që është ngjitur e para në shtëpi, ndërsa Artani është kthyer në një prej supermarketeve që ndodhet në afërsi të pallatit.
Sipas tij, në vrasjen e Cukut janë përdorur dy pistoleta, prej njërës 7.65 mm janë qitur 6 plumba, ndërsa prej tjetrës, 9 mm, janë qitur 2 plumba. Nga këto Cukun e kanë goditur 5 plumba, 4 në trup dhe një në kokë.
Sipas Hoxhës, Cuk është vrara sapo ka hyrë në ashensor dhe se vrasësi sipas drejtimit t plumbave, ka gjuajtur nga hyrja e pallatit, në drejtim të ashensorit.
Po sipas tij, ky person me kapele është edhe ekzekutori i vetëm, personi që ka qëlluar mbi Cukun në momentin që hynte në ashensor.
Cuk ka bërtitur në momentin e vrasjes.

Dinamika e ngjarjes sipas gazetarit Artan Hoxha

“Duke u kthyer në banesë ajo ka parë një person në sheshpushimin e pallatit. Ka qenë një person me kapele, i ka folur dhe i ka thënë se çfarë bënte aty.
Sapo Cuku ka hyrë në ashensor është qëlluar me armë, është dëgjuar një e bërtitur janë 8 të shtëna. Janë sekuestruar 8 gëzhoja në vendngjarje. 6 i përkasin një arme të kalibrit 7,65 mm. Kjo nuk hyn tek armët e luksit por është e fuqishme, vjen pas kallashnikovit. 4 plumba I ka marrë në gjoks, një në kokë që dyshohet se është fatali dhe një tjetër ka qenë bosh. Në vendngjarje janë gjetur edhe dy gëzhoja të një kalibri tjetër 9 mm.
Artan Cuku me bashkëshorten e tij dhe fëmijët e vegjël janë kthyer në mbrëmje, përpara se të ndodhte krimi, në banesë. Ka qenë bashkëshortja e tij ajo që është ngjitur e para në shtëpi, ndërsa Artani është kthyer në një prej supermarketeve që ndodhet në afërsi të pallatit. Gruaja ka përshëndetur autorin dhe është ngjitur në banesë.
Më pas, Artan Cuku ka hapur derën prej xhami të hollit të pallatit, ka shtypur ashensorin, ka hyrë në ashensor dhe sapo ka hyrë është qëlluar me armë.
Në vendin e ngjarjes janë sekuestruar 8 gëzhoja. 6 i përkasin një arme TT dhe 2 një arme tjetër. 5 prej këtyre kanë përfunduar në trupin e Artanit, katër në gjoks dhe një në kokë. Të shtënat janë nga hyrja, nga sheshpushimi në drejtim të ashensorit. Ka pasur komunikim dhe konflikt mes të ndjerit dhe autorit të vrasjes.
Dy gëzhojat e tjera të gjetura në vendin e ngjarjes dhe jo në trupin e viktimës janë të kalibrit 9 mm dhe mund t’i përkasin një arme të tipit ‘Beretta’.
Dyshimi është kush e ka përdorur këtë pistoletë? Nga filmimet dhe kontrollet e zonës rezulton të kemi të bëjmë vetëm me një ekzekutor që ka ikur në këmbë, jo me motor e biçikletë. Ka ikur në këmbë në
drejtim të sheshit ‘Willson’, një zonë shumë e populluar. Këto dëshmojnë që kemi të bëjmë me një vrasës profesionist, jo me një vrasës që e ka për herë të parë këtë punë. E ka goditur në fund në kokë, për tu siguruar që viktima nuk shpëton i gjallë. Edhe pse mund të duket si një vrasje e pakujdesshme, për shkak se nuk është përdorur silenciator, është një ngjarje e menduar mirë.
Veshja e autorit nuk të lë mundësinë e identifikimit, për shkak të mbajtjes së kapeles. Sa i takon gëzhojave të pistoletës tjetër, drejtimi i qitjes është në krahun e kundërt të armës së parë.
Fakti që predhat e kalibrit 9 mm nuk janë në skenën e krimit lënë vend që të dyshohet se veç autorit në vendin e ngjarjes ka qenë dhe një armë tjetër. Ekzekutori është një i vetëm. Të tilla vrasje bëhen
me pagesë apo janë vrasës që e bëjnë për shkak të një detyrimi që i ka pala tjetër. Policia dhe prokuroria kanë disa pista. Edhe pse ai nuk ishte në detyrë, vrasja ngelet për shkak të detyrës”.

/DRONI.al/