IframeKandidati i Republikanëve në zgjedhjet presidenciale në Francë, François Fillon, u sulmua me miell gjatë një takimi me elektoratin. Ish-kryeministri francez po i drejtohej foltores kur mbi të një person zbrazi në kokën e tij një kuti me miell.
Gjithsesi Fillon vijoi programin e tij dhe doli përpara mbështetësve, duke komentuar incidentin. Ai tha se kundërshtarët po përpiqen me të gjitha mënyrat për dekurajuar dhe ironizoi duke sjellë në vëmendje një nga pikat kyçe të programit të tij, rritjen e prodhimit vendas.
“Shpresoj që mielli të jetë francez”, tha kandidati për president.
François Fillon është vënë në qendër të kritikave pas skandalit, ku u përfshi bashkëshortja e tij, Penelope, e cila akuzohet se është paguar për një detyrë që nuk e ka kryer.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
