Ne foto, sot keshilli bashkiak Berat I zbrazur nga keshilltaret socialiste
Në Berat, këshilltarët e PS kanë bojkotuar mbledhjen e Këshillit bashkiak, në shenjë proteste ndaj kryebashkiakut Petrit Sinaj, nga radhët e LSI.
Socialistët thonë se kreu i Bashkisë, po ushtron presion përmes heqjes së specialistëve të PS nga puna, ndërsa Bashkia nuk ofron më shërbime duke spostuar vëmendjen drejt fushatës zgjedhore.
12 këshilltarë të PS në Këshillin bashkiak të Beratit braktisën mbledhjen, pasi siç thonë, LSI po ushtron presion politike duke hequr njerëz nga puna.
Deklarata është bërë nga kryetarja e Partisë Socialiste në Berat, Valbona Zylyftari, e cila shtoi se për këto shqetësime kanë kërkuar takim me kryebashkiakun Sinaj, por nuk janë pritur nga ai.
“Ne denoncojmë fort presionin e madh që po bëhet nga ana e LSI-së për të krijuar një klimë të keqe e jo bashkëpunuese në këtë fillim fushate. Nuk janë respektuar nivelet e drejtimit dhe përfaqësimit ndaj PS-së. Jemi të shqetësuar për largimet nga puna të specialistëve në shkelje flagrante të ligjit të paargmentuara dhe vetëm me një qëllim atë politik”.
Zylyftari përmendi gjithashtu dhe largimin e vëmendjes nga detyrat parësore të Bashkisë, siç janë shërbimet, për shkak të fushatës zgjedhore.
“Nuk ka se si të shpjegohet ndryshe bllokimi i një nga shërbimet më të qëndësishme për qytetarët si është ai i transportit të linjave ndërqytetase. Sjell në vëmendje këtu shërbimin në linjën e njësisë administrative Roshnik. Dje është konfirmuar që për shtatë ditë fëmijët në shkollën e Karkanjozit dhe Rabjak nuk kanë bërë mësim për shkak të mungesës së këtij shërbimi”.
I menjëhershëm ka qenë reagimi i bashkisë së Beratit që ka mohuar akuzat, duke i cilësuar absurde.
“Bojkotimi i këshillit bashkiak nga PS është nje absurditet. Nuk ka pasur dhe nuk do të kete largime nga puna per arsye politike, 90 % e punonjësve të administrates së bashkise jane te njejtet qe para vitit 2015. I bejme thirrje kryetares se PS Berat,Valbona Zylyftari të mos marre shembuj negativ si ai i kryetares se FRESH Berat por te ndjeke shembullin e bazes socialiste. I urojme Zylyftarit “suksese në jetë”, nese kritika ndaj kryetarit te bashkise i siguron 1 vend ne listen e deputeteve i themi te vazhdoje deri ne sigurimin e kandidimit”./Ora news
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
