Autoritetet gjermane por shqyrtojnë tetë lokacione të mundshme për zhvendosjen e bazës së tyre ajrore që ndodhet aktualisht në Inçirlik të Turqisë.
Opsionet u thanë në komisionin e hetimit parlamentar, raporton e përditshmja gjermane “Die Welt”. Qeveria gjermane tha se disa prej vendeve që po shqyrtohen janë Jordania, Kuvajti dhe Qiproja.
Dy vendet e para kanë tre vende të mundshme për bazën e re, ndërsa dy lokacione janë të mundshme në Qipro, ku ndodhet baza ajrore britanike në Akrotiri dhe në qytetin e Pahpos.
Qeveria thotë se vendet tashmë janë vizituar edhe nga specialistët përkatës gjermanë, por se nuk ka ende bisedime për stacionimin e mundshëm.
Vendimi vjen ndërkohë që marrëdhëniet diplomatike midis Turqisë dhe Gjermanisë janë acaruar së tepërmi, ndërsa deputetë gjermanë kanë shprehur shqetësimin se ushtarakët e tyre mund të merren peng në Turqi.
Florian Hahn, zëdhënësi për sigurinë dhe politikën e jashtme të CSU-së, tha se ushtarët dhe oficerët gjermanë mund të bëhen peng i lojërave politike të Turqisë.
Gjermania ka edhe një tjetër bazë ushtarake në Konia të Turqisë, 350 km në perëndim të Incirlik. Ndërtimi i bazës do të sillte miliona euro financime nga ana e qeverisë gjermane.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
