Seanca për konstituimin e Parlamentit të Maqedonisënuk arriti të zgjidhte sonte kryetarin e ri të Kuvendit, përfaqësuesin e BDI-së, Talat Xhaferrin.
Shkak u bë bllokimi i Kuvendit nga VMRO për të cilët në krye të Kuvendit duhet të vendoset një person që kundërshton platformën shqiptare, ndërsa vijojnë ta cilësojnë këtë marrëveshje si një rrezik për të ardhmen e vendit.
Qëndrimi i Nikolla Gruevski rpitej prandaj ajo që ka çuditur më shumë ka qenë qëndrimi kundër i “Lëvizja BESA” e cila nuk e përkrahu alternativën me arsyetimin se mendimet e kësaj force politike nuk janë marrë parasysh në procesin e negociatave me LSDM-në dhe BDI-në.
Blloku i partive shqiptare që është rreshtuar krah social-demokratëve ka mundësi që t’a finalizojë këtë propozim edhe pa votën pro të deputetëve të Lëvizjes BESA.
Votimi pritet të bëhet të martën pasdite.
LSDM dhe BDI duken të palëkundura në emrin që kanë lakuar, duke e cilësuar Xhaferrin një kandidat me përvojë, integritet të lartë dhe të denjë për të drejtuar punimet e Parlamentit.
