Ish-ministri i Shëndetësisë, Ilir Beqja ka irrituar qindra qytetarë që e ndjekin në Facebook pasi ka postuar sukseset që sipas tij kishte rilindja e shëndetësisë.
“42 muaj në rrugën e vështirë të rilindjes së shëndetësisë”, shkruan ai duke vijuar me disa nga projektet që ka realizuar.
“Në përmbushje të angazhimit tonë kyç të Programit Qeverisës për Mbulimin Universal Shëndetësor, ose siç nihet sot nga të gjithë, “Shëndet për të Gjithë” apo “Shëndetësia Falas”, hoqëm taksën e sëmundjes, TVSH-në 10% për barnat e shërbimet mjekësore, dhe TVSH-në 20% për materialet mjekësore të implantueshme.
Sikundër kishim premtuar, ja dolëm të ulim çmimin e barnave, duke e afruar me çmimin në vendin e origjinës. Sot shqiptarët paguajnë 30% më pak për barnat, duke kursyer nga buxheti familjar i tyre 70 milionë dollarë në vit.
Në tre vjet, shtuam 141 barna të reja në listën e rimbursimit, prej të cilave, përfitojnë për herë të parë mbi 150 000 qytetarë shqiptarë.
Në mars 2015 filluam të zbatojmë programin e kontrollit bazë shëndetësor të përvitshëm për këdo në moshën 35–70 vjeç. Pa dallim, i siguruar apo i pasiguruar. Në qendrën shëndetësore të vendbanimit, nën kujdesin e mjekut të familjes. Ofrojmë falas mundësinë e 44 analizave të ndryshme mjekësore. Për të parandaluar apo ngadalësuar sëmundje me përhapje të lartë në Shqipëri.
Prej janarit 2016, vizita te mjeku i familjes mundësohet falas për këdo. Për të pasiguruarit vizitat dhe ekzaminimet te mjeku specialist kanë pagesa thjesht simbolike, nëse ndiqet sistemi i referimit”, shkruan ai ndër të tjera.
Por nuk ka arritur të kthejë mendjen për asnjë nga ndjekësit. Në rresht të gjithë e kanë akuzuar atë sërish për korrupsion, paaftësi dhe më keq se kaq, sic do ta shikoni në postimit e mëposhtme. Droni.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
