Kim Jong-Un ka publikuar një video propagandistike ku trupat e Koresë së Veriut shpërthejnë një aeroplanmbajtëse amerikane.
Pamjet e publikuara nga mediat shtetërore atje tregojnë sesi trupat koreano-veriore shkatërrojnë avionët e bombarduesit amerikanë.
Sigurisht kemi të bëjmë me pamje të montuara dhe jo reale.
Klipi shoqërohet edhe me narracion, ku zëri shpjegon në mënyrë “poetike” bombardimin.
Kjo nuk është hera e parë që Koreja e Veriut publikon klipe të tilla propagandistike kundër Amerikës.
Në vitin 2013 një video tregonte një burrë koreano-verior që ëndërronte sikur mbi Washington, D. C. dhe New York binte “shi” raketash.
Videoja e re vjen në kohë kur Kim ka kërcënuar për ta shndërruar SHBA në “hi” me armë bërthamore, nëse Amerika qëllon qoftë një plumb të vetëm në drejtim të Koresë së Veriut.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
