Ministri i Brendshëm ende në detyrë, Saimir Tahiri i ka thur elozhe kryeministrit Edi Rama gjatë një takimi me strukturat e PS. Ai ka thënë se Rama do të jetë kryeministër edhe gjatë katër viteve të ardhshme.
“Në kemi kampionin e skuadrës tonë ai është Edi Rama. Kjo është skuadra shembullore qe duhet ndjekur. Në duhet të jemi bashkë. Ti japin dorën njëri-tjetrit. Ne do të shkojmë ne zgjedhjet e 18 qershorit veçse me fitore”, tha Tahiri.
“Kush nuk e di ta marrë vesh, Rama do jetë Kryeministër edhe në katër vitet e ardhshme”, ka shtuar Tahiri.
Ndër të tjera Tahiri, i ka uruar suksese edhe pasardhësit të tij, Fatmir Xhafaj.
“Unë dua t’ju ftoj të gjithëve të duartrokasim bashkë kolegun tim prej shumë kohësh në Komisionin e Ligjeve, Fatmir Xhafajn. Urime Fatmir dhe jam i bindur se do të bësh më të mirën në Ministrinë e Brendshme për të vazhduar gjithçka kemi bërë me këta njerëz”, tha Tahiri.
Tahiri është një ndër 4 ministrat e shkarkuar pak ditë më parë nga kryeministri Rama.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
