Presidenti i Maqedonisë, Gjorge Ivanov, ka deklaruar se Armata e Maqedonisë është e gatshme t’i përgjigjet sfidave dhe të mbrojë integritetin territorial dhe pavarësinë e vendit, duke lënë të kuptohet se një konflikt i mundshëm rajonal është në horizont.
Në një manifestim ushtarak në Kriva Pallanka, Ivanov ka thënë se “edhe sot, sikur edhe para një çerek shekulli, po ballafaqohemi me sfida. Por, edhe sot sikur para çerek shekulli, kemi Armatën e Maqedonisë e cila është mbrojtëse nga kërcënimet, krenari për qytetarët dhe shpresë për paqen në vend”, raporton radio evropa e lire.
Ndërkohë, kryetari i VMRO DPMNE-së, Nikolla Gruevski, tha se populli maqedonas nuk do të tërhiqet ndërsa gjendjen në vend lidhur me krizën qeveritare e vlerëson si tensionuese dhe të paqartë.
“Është të vështirë të parashikohet tjetër pos protestave, kur veproni në kundërshtim me vullnetin e qytetarëve”, ka deklaruar Gruevski në një intervistë për Telegrafin e Serbisë.
Gruevski ka akuzuar liderin opozitar, Zoran Zaev, për siç ka thënë, “skenar për ridefinimin e plotë të shtetit dhe ndryshimin e konceptit të saj”.
Në pyetjen nëse gjendja në Maqedoni mund të përkeqësohet, Gruevski tha se mllefi i popullit është i madh./REL
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
