Policia e Shkodrës ka njoftuar se ka arrestuar Paulin Qarri 39 vjeç, banues në Mali Jushit, Njësia Administrative Bushat, Bashkia Vau Dejës.
Burimet zyrtare bëjnë të ditur se nga Drejtoria Vendore e Policisë Shkodër janë ngritur Pika Kontrolli në territorin e Qarkut Shkodër për armëmbajtje pa leje dhe lendë narkotike, ku gjatë kontrolleve të ushtruar në bashkëpunim me Komisariatin e Policisë Vau Dejës, u bë arrestimi në flagrancë i shtetasit Paulin Qarri, i cili udhëtonte me automjetin tip “Benz” me targa AA 266 HZ, pasi gjatë kontrolli fizik iu gjet…
– një armë zjarri Pistoletë e llojit Browning (Gjerman)
– një krehër me 7 copë fishekë të kalibrit 7.65 mm
Shërbimet e Policisë bënë shoqërimin e personit në Komisariatin e Policisë Vau Dejës si dhe sekuestrimin e armës së zjarrit në cilësinë e provës materiale.
Materialet iu referuan Prokurorisë së Rrethit Gjyqësor Shkodër për veprën penale “Prodhimi dhe mbajtja pa leje e armëve luftarake dhe e municionit” e parashikuar nga neni 278 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
