Policia Novara-s në Itali ka vënën në pranga 4 shqiptarë, të cilët akuzohen se kishin krijuar në rrjet të trafikimit të drogës në këtë zonë. Bëhet fjalë për shtetasit me iniciale R. A., 33 vjeç, që e thërrisnin “Disti”, J. M., 38 vjeç, “Xhon”, I. A., 44 vjeç “Ilo” si dhe S. N., 33 vjeç “Sergio”.
“Ansa” shkruan se hetimi për këtë bandë kriminale kishte nisur në fund të 2016-ës. Në këtë kohë policia bastisi një apartament në Risorgimento, ku u arrestua qiramarrësi, 38-vjeçari shqiptari me inicialet A. K., i quajtur me emrin “Aldo”, të cilit iu gjetën mbi 2 kg kokainë e pastër dhe më shumë se 7000 euro para cash.
Bashkë me këtë të fundit, numri i të arrestuarve shkon në 5. Pas hetimeve të karabinierëve, u zbulua se bëhej fjalë për një rrjet trafikantësh, që shisnin kokainë dhe hashash. Për një hark kohor prej 4 muajsh, dyshohet se grupi kriminal ka shitur më shumë se katër kg kokainë në territorin Novara-s për konsumatorët, shumica prej tyre të rregullt. Tashmë shqiptarët, ndodhen në paraburgim, në pritje të caktimit të masës së sigurisë.
EMRAT/ Itali, shkatërrohet rrjeti i trafikut të kokainës, pranga 5 shqiptarëve
