Al-Kaida ka konfirmuar se lideri i lartë Abu Khayr al-Masri, që besohet të jetë numri 2 i organizatës, u vra në një sulm ajror me dron nga koalicioni i udhëhequr prej SHBA në Siri, sipas AFP.
Vrasja e Masrit, i përshkruar nga analistët si “mbreti i xhihadit”, mund të shërbejë si aset i fortë për Presidentin e SHBA Donald Trump në fillim të presidencës së tij.
“Të gjithë sirianët do të dëshmojnë për krimin e fundit të Amerikës dhe aleancës” thuhet ne deklaratën e xhihadistëve lidhur me vrasjen e Al Masrit.
Një zyrtar i SHBA tha këtë javë se Uashingtoni është duke hetuar raportet se Al Masri, ishte vrarë në afërsi të qytetit Idlib, në veriperëndim të Sirisë.
Masri është dhëndri i themeluesit të Al Kaidës Osama bin Laden dhe besohet të jetë zëvëndës i Al Zawahiri, që tani drejton organizatën më të fortë terroriste në botë.
SHBA beson se Masri ishte i përfshirë në shpërthimet e ambasadave të SHBA-së në Kenia dhe Tanzani në 1998.
Ai u arrestua me disa figura të tjera të al-Kaidës në vitin 2003 në Iran dhe u mbajt atje deri në vitin 2015, kur u këmbye me një diplomat iranian i cili ishte marrë peng nga dega e al-Kaidës në Jemen.
Pergaditur nga Droni.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
