Ish-presidenti amerikan Barak Obama dhe bashkëshortja e tij Mishel, kanë arritur marrëveshje rekorde me shtëpinë botuese “Pinguin random hous”, që të dy të botojnë nga një libër, lajmëruan mediat franceze.
Sipas gazetës “Financial Times”, botuesi i cili vetë nuk e saktëson vlerën e marrëveshjes, ka pranuar në tryezë të vendosë mbi 60 milionë dollarë për t’i garantuar të drejtat për dy librat.
Përderisa shuma konfirmohet, me këtë marrëveshja do të bëhet një prej më të përfituarave në historinë e botimit të librave.
Shkrimtari amerikan i romaneve policore Xhejms Paterson në vitin 2009 nënshkroi marrëveshje për botimin e 17 librave, që disa media e kanë vlerësuar në 150 milionë dollarë.
Paraardhësi i Obamës në Shtëpinë e Bardhë, Xhorxh Bush mori rreth 10 milionë dollarë për kujtimet tij. Para tij Bill Klinton mori 15 milionë dollarë për autobiografinë e tij “Jeta ime”.
Barak Obama ka botuar dy libra “Ëndrrat e babit tim” në vitin 1995 dhe “Arroganca e shpresës” në vitin 2006, nga të cilat secila u shit vetëm në SHBA në mbi tre milionë kopje.
Mishel, gjithashtu në vitin 2012 botoi libër për ndërtim dhe ushqim me titull “E kultivuar në Amerikë”
