Burime zyrtare të Drejtorisë Vendore të Policisë së Durrësit bëjnë të ditur se specialistët e Seksionit për Hetimin e Narkotikëve në këtë drejtori po punojnë për identifikimin dhe kapjen e autorëve, pasi në datë 28. 02. 2017, në orën 09:30, në ambientet e brendshme (tubat e ajrimit) të I.E.V.P. Durrës, u gjetën dhe sekuestruan në cilësinë e provave materiale:
• një sasi prej 110.5 gr. lëndë narkotike e dyshuar e llojit Cannabis Sattiva dhe
• 4.5 gr. lëndë narkotike e dyshuar e llojit heroinë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Prodhimi dhe shitja e narkotikëve” parashikuar në nenin 283/1 të Kodit Penal.
Ndërkohë të njëjtat burime zyrtare të Drejtorisë Vendore të Policisë së Durrësit bëjnë të ditur gjithashtu se specialistët për Krimet në Komisariatin e Policisë Krujë po punojnë për identifikimin dhe kapjen e autorëve, pasi më datë 28. 02. 2017, ora 15:30, gjatë kontrollit të ushtruar në fshatin Kurcaj, Krujë, në një sipërfaqe pylli u gjetën dhe sekuestruan në cilësinë e provave materiale:
• 2 880 bimë narkotike të dyshuara të llojit Cannabis Sattiva në proçes tharje, dhe
• një sasi prej 7.5 kg lëndë narkotike e dyshuar e llojit Cannabis Sattiva.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Prodhimi dhe shitja e narkotikëve” dhe”Kultivimi i bimëve narkotike”parashikuar në nenet 283 dhe 284 të Kodit Penal.
Për të dyja raste e bllokimit të satirave të drogave, burime zyrtare të Drejtorisë Vendore të Policisë së Durrësit nuk bëjnë të ditur ndonjë informacion për identifikimi apo ndalim të autorëve të mundshëm të dyshuar si posedues të këtyre sasirave.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
