Në foto, familjarë të Hysës
Ka ndërruar jetë pasditen e sotme në spitalin e Maceratas, 33 vjecari shqiptar Klodjan Hysa që në mbrëmjen e së premtes u godit me plumb në kokë nga një patrullë policie në komunën Monte San Giusto.
Klodjan Hysa ndodhej në gjëndjen e një kome të thelle e sot në orën 16.00 komisoni mjekësor ka deklaruar vdekjen e tij,
Babai, i fejuara e të afërmit e shqiptarit kanë mbërritur nga Shqipëria në spitalin e Maceratës për identifikimin e trupit. Varrimi do të zhvillohet në Shqipëri.
Klodjan Hysa është me origjinë nga Miloti.
Sipas versionit të patrullës së policisë, dyshohet se shqiptari së bashku me dy bashkëpunëtorë po tentonte të grabiste një apartament në momentin që është ndaluar nga forcat e rendit.
“Plumbi ka qënë i rastësishëm, ka deklaruar polici që qëlloi shqiptarin. Kisha në duar pistoletën, por nuk doja të qëlloja. Bashkë me kolegun tim i bëmë thirrje të ndalej, por ai tentoi të na përplaste me makinë e në atë moment është shkrehur pa dashje pistoleta, duke e goditur në kokë. Nuk doja ta qëlloja”,ka shpjeguar punonjësi i policisë italiane, i cili për momentin është ënë hetim nga drejtësia italiane.
Arma e tij e tipit Beretta, kalibër 9 është sekuestruar nga Prokuroria e cila ka marrë në duar zbardhjen e ngjarjes.
Ndërkohë banorët e komunës Monte San Giusto kanë ngritur një komitet në mbrojtje të policit italian, duke denoncuar se vetëm gjatë javës së fundit në territorin e tyre janë grabitur rreth 10 banesa.
Nga Alba Kepi
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
