PROTESTA/ Basha: Më 20 shkurt e rrëzuam bustin, sot të rrëzojmë bijtë e tyre që e kthyen demokracinë në pazar

Kreu i Partisë Demokratike, Lulzim Basha foli sot nga çadra e protestës, ku po përkujtohet 26-vjetori i rrëzimit të bustit të Enver Hoxhës.
Duke folur përpara protestuesve Basha u shpreh se sot bijtë e atyre që u larguan në 1991, e kanë kthyer demokracinë në një pazar.
Lulzim Basha e ka sfiduar hapur kryeministrin Edi Rama, duke i thënë se është i gatshëm të ndeshjet me zgjedhje të lira e të barabarta dhe të shikohet se kush fiton.
Duke folur në “çadrën e lirisë” kreu i PD-së, Lulzim Basha është shprehur se Rama nëpërmjet mediave që ai kontrollon, sot ka ofruar kokën e Saimir Tahirit që opozita të ndalojë protestën.
Por këtë ofertë PD e refuzon, ndërsa Basha sfidoi Ramën për të bërë një përballje të barabartë.

Pjesë nga fjala e Lulzim Bashës

Kujtojmë një nga aktet më të mëdha qytetare. E sotmja ka nisur si ditë përkujtimesh dhe homazhi, nderimi për ata qindra dhe mijëra qytetarë të Tiranës dhe mbarë Shqipërisë që iu bashkuan thirrjes së studentëve për ti dhënë ndal errësirës së diktaturës, aktit se nuk do pranojnë pluralizëm fasadë.
Sot pas 26 vitesh ja ku jemi përsëri, në këtë pjesë të bulevardit të çliruar prej tre ditësh, këtu në sheshin e lirisë. Demokracia fasadë është vendi ku nuk priten qytetarët, ku nuk dëgjohen qytetarët. Demokracia fasadë është e keqja e të gjithë këqijave.
Studentët e dhjetorit dhe intelektualët ia dolën t’ia shkëpusnin me forcën dhe vendosmërinë e bashkimit, të drejtën e pluralizmit. Por për dy muaj kjo e drejtë mbeti nën hijen e shtatores së diktatorit që vazhdonte nëpër Shqipëri të qëndronte sikur nuk kishte ndodhur asgjë. I kam përjetuara to ngjarje si 17-vjeçar.
Së bashku me Arben Imamin dhe drejtues të tjerë, takuam student të Kamzës dhe nisëm një rrugëtim për në Universitetin e Akademisë ku vendosën të futen në një grevë urie për largimin e emrit të diktatorit nga universitetet dhe të shtatores ku qëndronte. Partia Demokratike I frymëzoi këto protesta por qe 20 shkurti që I vuri vulën dhe I tha diktaturës se nuk do të pranojmë pluralizëm pas kësaj me shtatoren në këmbë.
Regjimi u mundua atë ditë bënte lëvizje propagandiste që të zbuste vullnetin e qytetarëve, duke sakrifikuar ndonjë kokë turku që shqiptarët të topiteshin, por nuk ia dolën se shqiptarët ishin të vendosur për Shqipërinë si gjithë Evropa, liri – demokraci.
Sot ja tek jemi përsëri në Bulevardin Dëshmorët e Kombit që është kthyer ën sheshin e lirisë.
Sot si para 26 vetëm bijtë e etërve e kanë kthyer demokracinë në demokracinë pazar, e kanë kthyer në demokraci-fasadë ku shumica e shqiptarëve dhunohen.
Demokracia Pazar është ajo ku prapa saj ndodhet një pakicë që ka guximin t’i thotë shumicës mos protestoni, heshti,. Demokracia pazar është më e keqja e të gjithave. Ku ka demokraci pazar ka ekonomi pazar, ku shqiptarët ngarkohen me taksa të larta sepse një grusht njerëzish disponojnë gjithë pasuritë e njerëzve dhe buxhetin e shtetit.
Fati merret në dorë kur vota e çdo qytetari lexohet ashtu siç është hedhur. A ka njeri që beson se ky kryeministër dhe kjo qeveri do të organizojnë zgjedhje të lira? Se kjo qeveri që e ka lidhur fatin e vet politik dhe shumë raste ehe personal, do të organizojnë zgjedhje të lira?
Ne duam që qeveria e re të dalë si vullnet I votës së shqiptarëve. Ne I shteruam të gjitha mundësitë. Një vit me parë ne kërkuam votimin dhe numërimin elektronik, ligjin e demrkiminalizimi dhe lirinë e medias  dhe do të shkonim në zgjedhje edhe me këtë qeveri. Këta e zvarritën sepse mendonin dhe mendojmë se zgjedhjet e 18 qershorit do ti trajtojnë si nëj fasadë për tio hedhur hi syve të botës.
Këta në një vit premtuan e mashtruan dhe nuk e mbajtën fjalën. Tani nuk kanë përballë vetëm opozitën por një popull të tërë që ka mbështetjen e ndërkombëtarëve dhe prêt zgjedhje të lira dhe të ndershme.
PD ka marrë një vendim dje në përputhje me zërin tuaj. PD me grupin e sa parlament do të zhvillojnë aktivitetin parlamentin të vërtetë këtu në sheshin lirisë me qytetarët. Ta harrojnë se mund të përdorin të njëjtat truke si paraardhësit e tyre.
Sot kanë afruar nga mediat e tyre kokën e Saimir Tahirit. Ai është peng i bandave. Pra, kërkojnë që të pranojmë zgjedhje të prishura. Mbaje Saimir Tahirin për vete, zgjidhja është largimi yt dhe I qeverisë tënde.
Dëgjoje zërin e qytetarëve. Hapi rrugën qeverisë teknike dhe në ta mban dil të ndeshemi e shih se kush fiton.
Nga përballja e PD me opozitën nuk shpëton dot.

/DRONI.al/