Edi Rama s’ka kuptuar qëllimin e protestës së opozitës: Problemet që kanë ti zgjidhin me Taulant Ballën

Edi Rama nuk e ka kuptuar qëllimin e protestës së opozitës.
Këtë e ka lënë të kuptohet gjatë fjalës së tij në mbledhjen e grupit parlamentar të PS-së.
Praktikisht protesta është organizuar për qëllime që nuk thuhen nga ana e tyre”, është shprehur Rama midis të tjerave para deputetëve të tij.
Padijen dhe pakuptimësinë e tij Rama e ka çuar më tej, kur ka menduar dhe është shprehur se problemet e saj, me zgjedhjet, opozita mund ti shtrojë për zgjidhje në Komisionin e Reformës Zgjedhore, e thënë ndryshe, para Taulant BAlëls, që drejton këtë komision.
Por, ajo që Edi Rama bën sikur nuk kupton, lidhet me rrezikun e blerjes së votës, sikurse ndodhi në zgjedhjet e pjesshme në Dibër e Devoll, shqetësimi ky jo vetëm i opozitës, për të cilin kryeministri nuk “guxon” të japë garanci.
DRONI.al

Pjesë nga fjala e Edi Ramës

Situata duhet pare si shtyse për të vazhduar intensivisht organizimin e punës për zgjedhjet. Për të komunikuar gjithandej me njerëzit. Ne s’kemi çfarë ndryshojmë. Duhet të vazhdojmë normalisht detyrat tona qoftë në Parlament, qoftë në qeveri. Praktikisht protesta është organizuar për qëllime që nuk thuhen nga ana e tyre, por që dihen. Edhe bojkoti i Parlamentit është një mekanizëm i qarte për të bllokuar përzgjedhjen e komisioneve të Vettingut, që duhet të fillonte javën e ardhshme. Formulat janë të tilla që të dyja komisionet e Vettingut, qoftë Shkalla e Parë, qoftë Apeli nuk formohen dot pa opozitën.
Nëse bojkoti nuk do kishte ndodhur, mund të ishte e vështirë të provohej se protesta bëhet për të bllokuar Vettingun. Por bojkoti është prova që gjithçka ka të bëj me Vettingun.
PD ka kohë që kërkon alibi për humbjen e radhës, por ne s’kemi ç’bëjmë. Ata kërkojnë gjera që nuk varen nga ne. Ne nuk i kemi penguar, madje i kemi kërkuar që çdo shqetësim që ka të bej me zgjedhjet të adresohet në komisionin e Reformës Zgjedhore. Madje kemi thënë se çdo kërkesë e opozitës për të cilën OSBE/ODIHR jep mbështetje, ka automatikisht edhe mbështetjen tonë.

/DRONI.al/