LISTAT/ Përfundon verifikimi i dosjeve të kandidateve për organet e Vetting-ut, kush plotëson dhe kush nuk i plotëson kriteret

Avokati i Popullit përfundoi verifikimin e dokumentacionit për qytetarët që shprehën interesin për pjesëmarrje në organet e Vetingut.
Në ushtrim të kompetencave të përcaktuara nga ligji nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, Avokati i Popullit ka kryer në përputhje me përcaktimet e dhëna në nenin 6 dhe 7 të këtij ligji, verifikimin e kritereve formale të kandidatëve, të cilët kanë shprehur interesin për anëtare të institucioneve të rivlerësimit kalimtar të gjyqtarëve dhe prokurorëve në Republikën e Shqipërisë. Ky proces është zhvilluar nën monitorimin e pandërprerë të ekspertëve ndërkombëtarë të ONM-së. 
Pas, verifikimit të të gjithë aplikimeve për pozicionet e institucioneve të rivlerësimit kalimtar të gjyqtarëve dhe prokurorëve, Avokati i Popullit ka verifikuar në tërësi 192 aplikime nga të cilat:
         29 aplikime kanë përmbushur kriteret formale për secilin pozicion  të parashikuar nga ligji;
         163 aplikime nuk kanë përmbushur kriteret formale të përcaktuara nga ligji për secilin pozicion.
Në përfundim të këtij procesi, si dhe në zbatim të nenit 7 pika 6 të ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, Avokati i Popullit, i ka dorëzuar Operacionit Ndërkombëtar të Monitorimit listat e kandidatëve, si dhe të gjitha dosjet individuale fizike të aplikimeve të shqyrtuara për këta kandidatë.
Vlerësimi dhe rekomandimet për kandidatët nga Operacioni Ndërkombëtar i Monitorimit, do t’i përcillen Avokatit të Popullit, që së bashku me dy listat e sipërcituara do t’ja dorëzojë më pas Kuvendit të Shqipërisë.

Më poshtë, listat emërore të kandidatëve të cilët kanë plotësuar kriteret formale për secilin pozicion, si dhe të kandidatëve të cilët nuk i plotësojnë këto kritere.

Lista me Kandidatët që plotësojnë kriteret formale

Lista me Kandidatët që nuk plotësojnë kriteret formale

/DRONI.al/