Një sasi prej 97 kg kanabis është sekustruar në tre operacione antidrogë të ndërmarra përgjatë 12 orëve të fundit nga policia në Vlorë, Lezhë dhe Mat. Për lëndën narkotike janë arrestuar 5 persona.
Në Vlorë, në fshatin Beshisht u zhvillua operacioni “West”, ku janë sekuestruar 80 kg kanabis dhe është arrestuar poseduesi i lëndës narkotike, Spiro Tupa, 62 vjeç, banues në fshatin Beshisht, Vlorë.
Në Lezhë është zhvilluar operacioni i koduar “Reps”, ku janë sekuestruar 11 kg lëndë narkotike kanabis dhe është arrestuar poseduesi i drogës Fatmir Gjonikaj , 28 vjeç, banues në Mirditë.
Ndërsa në Mat është zhvilluar operacioni “Minuta e fundit”. Specialistet për narkotikët kanë sekuestruar 6 kg lëndë narkotike Cannabis Sativa si dhe kanë vënë në pranga 3 shtetas, përkatësisht Alfred Dedja 30 vjeç, Jurgen Alzeneli 21 vjeç, K.K, 18 vjeç, të gjithë banues në qytetin e Burrelit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
