Klubi i Kukësit e ka shpallur sot në kërkim lojtarin brazilian Felipe Moreira Santos. Ky i fundit ka disa ditë që është zhdukur dhe klubi ka bërë një njoftim publik në faqen e Facebook.
“I nderuar z. Moreira,
Ju njoftojmë se jeni larguar nga klubi pa leje dhe pa njoftuar dhe nuk jeni paraqitur pranë klubit për fazën përgatitore, e cila filloi në datën 05.01.2017 në Antalya Turqi.
Për këtë arsye kerkojmë të paraqiteni pranë klubit brenda datës 18.01.2017 në të kundërt do ta konsiderojmë zgjidhje të njëanshme nga ana juaj të kontratës të nënshkruar midis palëve tona”, shkruhet në deklaratën e klubit të Kukësit.
Por nuk ka vonuar dhe ka ardhur edhe përgjigja e lojtarit brazilian Felipe Moreira Santos. Ky i fundit shkruan tek deklarata e klubit të Kukësit.
“Nëse më jepni paratë do të kthehem”, është ajo që shkruan Filipe Moreira Santos.
