Kryeministri Edi Rama vazhdon të këmbëngulë se në 2 janar, këtu, në Pallatin e Kongreseve do të performohet “koncerit i Vjenës”.
Sot, “i ekzaltuar”, duke shpërndarë në rrjetet sociale, ai ka shpërndarë një foto, bashkë me komentin se “radha për bileta për Koncertin e Vienës në Tiranë, më 2 janar një event artistik unikal që duam ta kthejmë në traditë kulturore të kryeqytetit të Shqipërisë Europiane”.
DRONI.al edhe më herët ka denoncuar këtë mashtrim të kryeministrit, me atë që ai e quan “koncertin e Vjenës”, por që s’është asgjë më shumë se koncerti i katër instrumentistëve, tre prej të cive, pjesëmarrës të “Orkestrës së Filarmonisë së Vjenës”, ndërsa i katërti nuk rezulton në këtë orkestër.
Mashtrimi i parë
Orkestra e Vjenës ka 222 instrumentistë, në Tiranë vijnë vetëm 3 + 1
Nga ueb site zyrtar i Orkestrës së Filarmonisë së Vjenës, mësohet se kjo orkestër ka gjithsej 222 instrumentistë.
Ndërsa në Tiranë do të vijnë vetëm 3 prej tyre, Shkëlzen Doli violinë e dytë, Holger Groh violinë e dytë dhe Sebastian Bru violincelë.
Sa për dijeni, mësohet se kjo orkestër, ka në përbërjen e saj gjithsej 22 instrumentistë, violinë e dytë dhe 14 instrumentistë që luajnë në violincelë.
“Koncertit të Vjenës” në Tiranë, do ti bashkëngjitet edhe Gottlieb Wallisch, në piano, i cili nuk figuron si instrumentist i Orkestrës Fizarmonike të Vjenës.
Mashtrimi i dytë
Çmimi më i shtrenjtë i biletës në Tiranë, konkurron çmimin më të lirë të çmimit të biletës në Vjenë
Çmimi i biletës së “koncertit të Vjenës” në Tiranë, nuk e justifikon, “shpërnguljen”, e këtij koncerti nga kryeqyteti austriak në atë shqiptar.
Në ueb siten zyrtar të Orkestrës së Filarmonisë së Vjenës, mësohet se çmimi më i lirë për këtë koncert në kryeqytetin e Austrisë për datën 1 janar të çdo viti, kushton 35 euro, ndërsa çmimi më i shtrenjtë arrin deri në 1090 euro.
Ndërsa në “koncertin e Vjenës” në Tiranë, çmimi më i lirë për një biletë shkon 3 mijë lekë (të reja), ndërsa çmimi më i shtrenjtë, 7 mijë lekë (të reja).
Këtu nuk mund të lemë pa përmendur, se premtimi dhe shtija e biletave për Koncertin tradicional të Vjenës, bëhet saktësisht një vit para, ndërsa për Koncertin e Vjenës” në Tiranë, kjo shtije bëhet vetëm dy javë para.
DRONI.al
Për më shumë mund të lexoni edhe …
MASHTRIMI EDI RAMËS/ Koncerti i Vjenës në Tiranë, koncert i Shkëlzen Dolit me tre shokë të tij
/web/MASHTRIMI_EDI_RAM_S_Koncerti_i_Vjenes_ne_Tirane_koncert_i_Shkelzen_Dolit_me_tre_shoke_te_tij_30695_1.php
