Image GalleryPD ka festuar sot 26-vjetorin e krijimit të saj. Sikurse edhe kishte paralajmëruar kreu i saj Lulzim Basha, festimet u zhvilluan në selinë e PD-së.
Në fjalën e tij, përshëndetëse, Basha bëri të ditur se duhet të ndryshojmë partinë, për të ndryshuar Shqipërinë.
“Partia do të ndryshojë sot veten, për të ndryshuar nesër Shqipërinë”, ka deklaruar sot Lulzim Basha, kryetari i Partisë Demokratike nga oborri i selisë së kësaj partie para qindra anëtarëve dhe qytetarëve të mbledhur nga i gjithë vendi për të përkujtuar 26-vjetorin e themelimit të kësaj partie.
Hapja e dyerve të selisë për të gjithë qytetarët ka simbolizuar vendimin për hapjen e kësaj partie ndaj të gjitha kategorive, shtresave pa përjashtim, për një përfaqësim dinjitoz të tyre në qeverinë e ardhshme të demokratëve.
“Partia Demokratike lindi e madhe, tha Basha. PD-ja me përpjekjet e saj u solli shqiptarëve më shumë liri e demokraci dhe i solli ata më afër Evropës. Por nderimi dhe respekti për arritjet tona nuk na bëjnë ne të verbër dhe as nuk I fsheh ato që s’kemi bërë apo ato që kemi bërë. Shqipëria e vitit 1990 dhe kjo e sotmja janë larg njëra-tjetrës, por kanë dhe të përbashkëta. Shqipëria e 1990 ishte ajo e një regjimi të kalbëzuar, kurse sot, pas 26-vjetësh ka në krye një kastë kriminale të korruptuar, që ka në sistem drogën, krimin. Ky është kalbëzimi që I nxin jetën çdo shqiptari dhe i vret shpresën dhe i shtyn në arrati”.
Ai paralajmëroi edhe përzgjedhjen e drejtuesve të partisë, pro edhe të kandidatëve për këshilltarë bashkish, dhe deputetët, sipas parimit, “një anëtar, një votë”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
