Qeveria shqiptare ka marrë sot një vendim në lidhje me të ardhmen e Piramidës në qendër të Tiranës. Ish-muzeu i ngritur në kohën e diktaturës për nderuar shefin komunist Enver Hoxha pak vite më parë u projektua si ndërtesa e Parlamentit të ri të Shqipërisë.
Ndryshimi i destinacionit të projektit nga një qendër kulturore në Parlament u shoqërua me protesta nga grupe të majta ndërkohë që sot qeveria ka vendosur tia kalojë përfundimisht bashkisë së Tiranës për biznes,
Një pjesë e vendimit:
Qeveria vendos kalimin në pronësi, nga Ministria e Kulturës (Qendra Ndërkombëtare e Kulturës “Arbnori”) te Bashkia Tiranë, të pronës me numër pasurie 1/53, të ndodhur në zonën kadastrale 8160, me sipërfaqe trualli dhe ndërtese 4 294 (katër mijë e dyqind e nëntëdhjetë e katër) m2, sipas planimetrisë bashkëlidhur, për t’u përdorur si qendër shumëfunksionale për organizimin e eventeve sociale, promovimin e artit, të kulturës dhe të teknologjisë.
Pika 2, e vendimit nr.286, datë 8.8.1991, të Këshillit të Ministrave, “Për krijimin e Qendrës Ndërkombëtare të Kulturës”, shfuqizohet.
Ngarkohen ministri i Punëve të Brendshme, ministri i Kulturës, ministri i Zhvillimit Ekonomik, Turizmit, Tregtisë dhe Sipërmarrjes, kryetari i Bashkisë Tiranë dhe kryeregjistruesi i Pasurive të Paluajtshme të Republikës së Shqipërisë për ndjekjen dhe zbatimin e këtij vendimi.
Ky vendim hyn në fuqi pas botimit në “Fletoren zyrtare”.
