Policia greke ka goditur një grup të madh kriminal në Athinë të njohur për kultivimin dhe trafikimin e lëndëve narkotike e që drejtohet nga një shqiptar me banim në Shqipëri. Gjatë operacionit janë arrestuar 59 persona, 17 prej tyre janë shqiptarë dhe janë shpallur në kërkim 46 të tjerë.
Në cilësinë e provës materiale janë sekuestruar një sasi prej 435 kg marijuanë, 30 mijë euro, 10 makina, 1 furgon dhe 2 motorë.
Sipas policisë greke, ky grup ka shpërndarë një sasi prej mbi 1 ton marijuanë dhe disa kilogramë heroinë dhe kokainë.
Të arrestuarit janë të origjinave të ndryshme, shqiptarë, bullgarë, afrikanë dhe grekë.
Ky grup mendohet se ka përfituar një sasi prej 19 milionë euro nga trafikimi i marijuanës dhe drogave të tjera. Kanabisi sipas burimeve të policisë vinte kryesisht nga Shqipëria.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
