Basha: PD do të jetë partia që do të hapë negociatat me BE

“PD do të jetë partia që do të hapë negociatat me BE”.
Kështu u shpreh kreu i PD-së Lulzim Basha në një dalje para medieve sot.
Kreu i PD, vlerësoi  vendimin e KE për hapjen e negociatave. Ai tha se ky vendim i dedikohet njerëzve të thjeshtë.
“Rekomandimi për hapjen e negociatave është një lajm i shkëlqyeshëm për Shqipërinë dhe shqiptarët. Urojmë që ky rekomandim të kthehet sa më parë në një vendim të Këshillit Europian për hapjen e negociatave.
Kjo është një fitore e qytetarëve shqiptarë. Besojmë tek e ardhmja e vendit. Hapja e negociatave do të jete fillimi i një rruge të gjatë, por të pakthyeshme. Sot ka një ditë shpresë për shqiptarë që e duan Shqipërinë si gjithë Europa.  Ja dedikoj këtë arritje dhe ja njoh si merite njerëzve të thjeshtë. Ka qenë presioni i tyre që politika të ndërmarra hapat për integrim.
Reformat e thella që ne ndërmorëm hodhën gurët e themelit dhe ndërtuan konturet e këtij procesi, përmes asociimit dhe përmbushjes së kritereve të asociimit. Natyrisht vlerësoj edhe kontributin e gjithkujt tjetër në këtë proces. Rruga që kemi përpara është e vështirë. Sfida na presën, zgjedhjet e ardhshme dhe prerja e politikës me krimin.  PD dhe unë jemi të vendosur të jemi në krye të këtyre përpjekjeve.
Kjo rrugë do kalojë përmes disa sfidave që kryeministri refuzoi të pranojë. Sfida numër një mebetet ajo e zgjedhjeve të lira dhe të ndershme, sfidë kaq e madhe është lufta kundër korrupsionit. Ndaj dua të siguroj qytetarët shqiptare se PD, partia e interesit dhe integrimit do të jetë po kështu partia që do të hapë negociatat me BE, do të nisë këtë proces të ëndrrës tonë europiane dhe përmes bashkimit të të gjithë shqiptarëve që duan një qeveri të kontrolluar nga qytetarët dhe jo nga krimi ne do t’ia dalim”, u shpreh midis të tjerave kreu i PD-së Lulzim Basha.

/DRONI.al/