Ashtu si ishte njoftuar mëngjesi i sotëm i gjeti zona të vendit me probleme për shkak të reshjeve.
Probleme ka pasur në disa qytete të vendit, si në Durrës, Lezhë, Fushë-Krujë, ku disa rrugë janë përmbytur.
Situatë problematike paraqitet edhe në një pjesë të autostradës Tiranë – Durrës, pranë zonës së Maminasit. Për shkak të përmbytjeve devijohet në pjesë rrugë në Tiranë – Vorë.
Vetë qyteti i Durrësit është gdhirë nën ujë. Banorët ankohen se uji u ka pushtuar banesat, ndërkohë të tjerë e kanë të pamundur lëvizjen pasi rrugët janë të tejmbushura.
Probleme ka pasur në Portin e Durrësit, ku si pasojë e motit të keq është pezulluar puna në disa sektorë.
Mësohet se fillimisht puna është ndërprerë në sektorin e peshkimit më pas dispeçeria ka ndaluar daljen në det të peshkarexhave për arsye sigurie.
Po ashtu është ndaluar në det edhe lundrimi i anijeve tregtare të tonazhit të ulët dhe të mesëm.
Paralajmërohen përmbytje dhe rrëshqitje të tokës
Probleme serioze në Fushë-Krujë, pasi raportohet se lumi Zezë ka dalë nga shtrati.
Në Lezhë uji ka pushtuar disa banesa.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
