Zbulohet shifra stratosferike, ja sa para u morën në shtëpitë e ministrit dhe ish-ministrit të Ramës

 

Burime pranë policisë kanë zbuluar shumën marramendëse të parave që janë vjedhur në shtëpitë e një ministri dhe ish-ministri të Qeverisë Rama.

Mësohet se bëhet fjalë për dy raste të ndryshme vjedhje, ku janë marrë 8 milionë Euro në dy banesat e ministrit dhe ish-ministrit. Kjo shifër konfirmohet nga burimet policore dhe deklarimeve sipas një biznesmeni pranë Kryeministrit Edi Rama dhe vëllait të tij Olsi Rama.

 

Kjo ngjarje që ka ndodhur para disa javësh dhe është mbajtur e fshehtë nga policia, ndërsa nuk dihet asgjë rreth identitetit të grabitësve.

Në dijeni janë vendosur ministri i Brendshëm, Saimir Tahiri, dhe drejtuesit më të lartë të Policisë së Shtetit. Hetimet e uniformave blu janë duke u zhvilluar për të identifikuar dhe arrestuar grabitësit e shtëpive të dy zyrtarëve.