Ministria e Kulturës e rajonit rus të Çeçenisë, ka urdhëruar krijimin e njësisë speciale policore për t’u siguruar se gjatë dasmave respektohen traditat përkatëse.
Agjencia TASS ka raportuar se një njësi speciale e moralit do të jetë e ngarkuar me monitorimin e manifestimeve dasmore.
“Nëse vërehet diçka që nuk është në harmoni me pikëpamjet ose veshjet tona, nëse atje ka vallëzim jo përkatës, atëherë dasma do të ndalet”, ka thënë ministria, raporton TASS.
Lideri çeçen, Ramzan Kadyrov, dhe zyrtarët e tjerë, shpeshherë kanë folur për traditat e jashtme, për të cilat ata thonë se i shkatërrojnë traditat në këtë rajon mysliman.
Në qytetin çeçen, Argun, zyrtarët kanë vendosur se madhësia e veturave të dasmës mund të jetë prej 3 e deri në 5 sosh.
Vitin e kaluar, kryetari i kryeqytetit Grozni në Çeçeni, kishte urdhëruar ndalimin e prerjes së tortës së dasmës dhe ishte ankuar për lëvizjet e “pahijshme” gjatë vallëzimeve në dasma. /Radio Evropa e Lirë/
Respektimi i traditave, krijohet policia speciale e moralit
Po ndodh
