Bosi i Ndraghetas Fabio Lopez, ka përfunduar në prangat e policisë. Lopez, 38-vjeçar, i akuzuar për shumë krime është pjesë e një familje mafioze me origjinë nga San Giovanni in Fiore, provincë në Kozenca, i kishte shpëtuar dje një operacioni blic të policisë vendase, i koduar “Six Towns” në të cilin u arrestuan 36 persona.
Fabio Lopez arriti të marrë një avion nga vendi ynë me destinacion Barin. Por në aeroport e prisnin agjentët e policisë të cilët e arrestuan me akuzën krijimi i organizatave mafioze dhe trafik droge.
Në operacionin për kapjen e tij dhe të 36 personave të tjerë të shtrirë në jug dhe provincat e Milanos dhe veri të vendit u angazhuan mbi 200 karabinierë dhe oficerë policie.
Ende nuk ka një qëndrim zyrtar nga autoritetet shqiptare për këtë operacion. Nuk dihet ende nëse i shumëkërkuari ka qëndruar për shumë apo pak kohë në vendin tonë apo nëse ka bashkëpunim mes autoriteteve italiane dhe shqiptare për arrestimin e tij.
Ndragheta është një organizatë kriminale me bazë në Kalabri të Italisë. Edhe pse jo shumë e njohur jashtë vendit ose e njohur më pak se mafia siciliane Ndragheta u bë sindikata më e fuqishme në Itali në fund të viteve 1990 dhe fillim të viteve 2000.
VIDEO/ Kthehej me avion nga Shqipëria, prangoset në Bari shefi i Ndranghetas
