Këto pamje shokuese tregojnë momentin e vrasjes së një gjykatësi të njohur meksikan, i cili ndiqte çështjen e bosit të famshëm të drogës, Hoakin Guzman, i njohur gjerësisht me nofkën “El Chapo”. Siç shihet edhe në video, gjykatësi Vicente Bermudez Zacarias u ekzekutua me një plumb pas koke, teksa kishte dalë për vrap pranë banesë së tij, në qytetin Metepec. Vrasësi më pas arriti të largohej nga skena e krimit.
Vicente Bermudez Zacarias, 37 – vjeç, ka drejtuar seancat gjyqësore të disa prej narkotrafikantëve më të njohur në Meksikë. Përveç gjyqit ndaj kartelit të Sinaloas, që drejtohet nga El Chapo, gjykatësi ka ndjekur edhe procesin e Miguel Tervinos, bosit të kartelit Zetas, një tjetër kartel i famshëm në Meksikë. Presidenti meksikan, Enrike Pena Nieto, e cilësoi krimin si një akt të tmerrshëm dhe i kërkoi Prokurorit të Përgjithshëm të formojë një ekip për gjetjen e përgjegjësve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
