Max Spiers, një britanik ekspert në studimin e jetës jashtëtokësore në tokë dhe teoricien konspiracioni, i kishte dërguar nënës së tij një mesazh, pak ditë para vdekjes së tij, duke i thënë “Djali yt është në telashe, nëse më ndodh diçka, investigoni”.
Spires, 39-vjeçar, baba i dy fëmijëve me origjinë nga Canterbury, u gjet i vdekur në Varshavë në qershor.
Autoritetet lokale thonë se ai vdiq nga shkaqe natyrore, por nëna e tij ka thënë gazetarëve se ka dyshime të mëdha, raporton “The Sun”.
Vanessa Bates, mësuese anglishte, ka thënë: “Ai ishte duke bërë emër në botën e teoricienëve konspirativ dhe ishte ftuar për të folur në një konferencë në Poloni në korrik. Ai ishte duke qëndruar me një grua që nuk është se kishte një kohë të gjatë që e njihte… ajo më tha se si ajo e gjet të vdekur në divan. Por unë mendoj se Maksi ishte dërguar në disa vende të errëta dhe kam frikë se dikush donte që ai të vdiste”.
Vërejtjet e zonjës Bates kanë shkaktuar edhe spekulime në internet në mesin e teoricienëve konspirativë.
Ndërsa shokët e Maxit deklaruan për mediat se ai villte një lëng të zi kur ndërroi jetë në apartamentin e tij.
Scott C Uaring ka thënë se,“Kjo është me të vërtetë e çuditshme. Duket se studiuesit e UFO-ve tani janë në shënjestër, ndoshta për të ngadalësuar shkallën e informacionit në publik”.
Autori dhe gazetari Nick Pope, i cili ka hetuar fenomenin UFO për Ministrinë e Mbrojtjes në vitet ’90 në Britani ka thënë, “Vdekja e Maxit ishte një tragjedi”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
