Partia e kryeministrit malazez, Millo Gjukanoviq, rezulton fituese e zgjedhjeve të sotme të mbajtura në Malin e Zi.
Me 60 për qind të votave të numëruara, DPS e Gjukanoviqit ka fituar 41 për qind, që ende s’i mjaftojnë për të qeverisur e vetme ish-republikën e vogël jugosllave.
Parlamenti i Malit të Zi ka 81 ulëse dhe për të krijuar qeverinë duhet minimumi prej 41 ulëseve. DPS me këtë rezultat votash ka 36 ulëse.
Gjukanoviq, i cili ka bërë fushatë me premtimin se do ta çojë ish-republikën e vogël jugosllave të 620.000 banorëve në NATO, ka udhëhequr vendin si president dhe si kryeministër që gati gjysmë shekulli.
Exit-pollet, Gjukanoviç në avantazh
Exit-pollet e para në Malin e Zi nxjerrin fitues partinë properëndimore, DPS të Milo Gjukanoviç me 40.8% të votave. Më pas renditet Fronti Demokratik me 21% të votave, KLJUC 10.7% të votave, Demokratea 9.6%, SDP 4.8%.
Sipas këtyre Exi Poll-eve, Milo Gjukanoviç merr 38 mandate dhe 156.400 të votave, Fronti Demokratik merr 20 mandate me 84.700 të votave, ndërsa koalicioni KLJUC, ku janë Demos, SNP, Ura marrin 10 mandate me 42 mijë vota.
Pavarësisht se Gjukanoviç ka marrë shumicën e votave, ai nuk mund të formojë qeverinë për shkak se nuk marrë më shumë se 50% të votave.
