Në kërkim të evidentimit të valles së Tropojës e njohur si “Kcimi i Tropojës”, disa institucione kombëtare dhe lokale janë përfshirë në përpjekje për ta studiuar atë me qëllim përfshirjen e valles në trashëgiminë e UNESCO-s.
Një grup ekspertësh të fushës, studiues, profesorë dhe akademikë të njohur, në bashkëpunim me Akademinë e Shkencave, Ministrinë e Kulturës, disa intitucione të pavarura kërkimore të fushës si Qendra Kombëtare e Kulturës “Nacional”, si dhe bashkinë e Tropojës, po punojnë për përgatitjen e një konference shkencore e cila do të mbahet pas rreth dy muajsh në Tropojë.
Kjo konferencë ka për qellim vlerësimin dhe ruajtjen e trashëgimisë kulurore, të rrezikuar për t’u zhdukur, sic është “Kcmi i Tropojës”, bashkë me vlerat e tjera kulturore që bashkëjetojnë më këtë art, historinë, letërsinë, muzikën, zotësinë tradicionale të zejeve, si dhe përcjellejn tek femijët, nxënësit dhe të rinjtë, të këtij arti të papërseritshëm në Europë dhe botë, i konsideruar si një vlerë e njerëzimit.
Këtij qëllimi i sherbeu edhe diskutimi për organizimin kësaj Konference, i disa nga nismëtarët e kësaj inisiative, studiuesin e njohur Mujë Bucpapaj, koreografin e njohur Skëndër Haklaj dhe arkivistin Zog Hysenaj me deputeten Mimoza Hajdarmataj.
Gjatë bisedës ekspertët e fushës i kerkuan deputetes Hajdarmataj bashkëpunim edhe për të ftuar të gjithë njohësit e kësaj fushe, njerezit e biznesit dhe qytetaret tropojanë, për të kontribuar në suksesin e kësaj ndërmarrjeje të rëndësishme akademike e cila do ti paraprijë kerkeses për aplikim në UNESCO.
