Specialistët e Policisë Kufitare në bashkëpunim me Agjentët e Antidrogës në Drejtorinë Vendore të Policisë Durrës gjatë mbrëmjes së djeshme kanë evidentuar dhe goditur një tjetër rast, ku kanë bërë të mundur arrestimin në flagrancë të Jurgen Marku 25 vjeç, banues në Tiranë.
Arrestimi në flagrancë i tij u bë pasi një ditë më parë, gjatë kontrollit të ushtruar në Portin e Durrësit në automjetin tip “Benz”, fuoristradë, me targa AA 503 OZ, në dyshemenë e mjetit, poshtë dy sediljeve, me drejtues shtetasin e mësipërm, iu gjetën dhe iu sekuestruan në cilësinë e provës materiale, 18 pako të mbështjella me celofon me rreth 11 kg lëndë narkotike e dyshuar e llojit marjuanë.
Materialet do ti kalojnë Prokurorisë pranë Gjykatës së Shkallës së Parë për Krimet e Rënda, Tiranë për veprime të mëtejshme, për veprën penale”Trafikimi i lëndëve narkotike” e mbetur në tentativë parashikuar nga neni 283/a dhe 22 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
