23 biznese të reja kanë përfituar nga fondet për “Mbështetje të Sipërmarrjeve të reja Start-up” ndërsa janë edhe 19 në shqyrtim. Ministrja e Zhvillimit Ekonomik Milva Ekonomi ka vizituar një nga sipërmarrjet e reja në Tepelenë e cila ka përfituar mbështetje.Sipas Ekonomit mbështetjet përmes këtij fondi forcojnë bizneset e reja, por njëkohësisht shtojnë edhe punësimin.
Nga 48 aplikime të sipërmarrësve të rinj për të përfituar nga fondet “Start-up”, vetëm 23 prej tyre kanë mundur që të përfitojnë.
Ministrja e Zhvillimit Ekonomik, Milva Ekonomi, është ndalur në një prej këtyre biznesve në qytetin e Tepelenës ku ka theksuar se mbështetja e sipërmarrjeve të reja të reja ndikon në rritjen e të punësuarve, por edhe në ekonominë e zones.
“ Këto biznese orientohen gjithashtu dhe për të shkuar drejt produktit “Made in Albania” nëpërmjet skemave të tjera mbështetëse që ka AIDA. Mundësia për punësim ekziston dhe më shumë. Përveç atyre që janë të punësuar, biznesi sot ka mundësi të ofrojë dhe më shumë vende pune”, tha ministrja e ekonomisë.
Lefter Papa, sipërmarrësi i kësaj kompanie deklaroi se mbështetja për bizneset e rej është e domosdoshme për tu futur në treg.
“Nga fondi i “Start-up” morëm 5 makineri të reja, u shtua punësimi. Nga 25, u shtuan dhe 7 punëtorë të tjerë. Kur janë 5 makina duhen dhe dy punëtorë ndihmës. Nxorëm më shumë mall për firmat”, tha Lefter Papa.
Për 2015-2016, vlera totale e këtij fondit të mbështetjes së sipërmarrjeve të reja “Start-up”është 14.000.000 lekë.ora news
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
