Tension në Kuvend. Kryeministri Edi Rama doli në foltore për të replikuar me ish kryeministrin Sali Berisha. “Ti Sali je një Ëar dog (qen lufte) i vërtetë, Një figurë politike është bërë frymëzim për Hollivudin”- tha Rama duke iu referuar filmit që i dedikohet tragjedisë . Kjo deklaratë nxiti reagimin e deputetit demokrat Flamur Noka i cili i afrohet foltores.
Kjo detyroi punonjësit e gardës të rrethojnë foltoren. Për gati 10 minuta situata ka vazhduar kështu duke detyruar Metën të ndërpresë seancën.
Debate në Kuvend mes deputetëve të PD-së dhe ministrit të Brendshëm Saimir Tahiri për kanabisin.
Ndërsa në foltore të Kuvendit fliste ministri Tahiri ish kryeministri Sali Berisha është ngritur në këmbë për ta kundërshtuar. Edhe deputeti Noka është ngritur në këmbë. Duke e parë situatën pak të tensionuar kryetari i Kuvendit Ilir Meta ndërpriti seancën për 5 minuta pushim.
Nga foltorja e Kuvendit Ministri Tahiri pranon problemin e kultivimit të kanabisit si një fenomen i trashëguar për të cilën mban përgjegjësi edhe PD, kur ishte në qeverisje dhe ftoi për tu angazhuar për ta zgjidhur.
Më parë Berisha u shpreh se ” Drogën e lëviz Edi Rama.Ardian Çela,vjedh taksën e kanabisit. Vepron për llogari të Edi ramës,. Makinat e OSHEE transportojnë drogë për Edi Ramën”
Po ashtu në foltore doli deputeti i PD-se Asllan Dogjani: “Ne kishim Lazaratin por ju keni kthyer Shqipërinë në Lazarat”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
