Një 13-vjeçar ka humbur jetën pasi një polic në Ohio të SHBA-së, e qëlloi atë për vdekje, gjatë një aksioni për ndalimin e tre grabitësve të një marketi.
Pas një denoncimi për një vjedhje me armë, një grup efektivësh të policisë së Columbusit janë vënë në ndjekje të tre personave të dyshuar, ndërsa 13-vjeçari dyshohet të jetë njëri prej grabitësve. Policia tha se djali kishte nxjerrë një armë nga brezi e cila më vonë rezultoi të ishte një pistoletë me ajër të kompresuar.
Sipas policisë së Columbusit, arma dukej identike me ato që përdoren nga efektivët.
Autoritetet bënë me dije se 13-vjeçari u dërgua menjëherë në spital, por nuk mundi të mbijetojë si pasojë e plagëve të marra. Sakaq u bë e ditur se efektivi që vrau 13-vjeçarin është një polic i bardhë, prej 9 vitesh në detyrë.
Edhe pse ende nuk dihet nëse ngjarja është regjistruar në ndonjë video, oficeri i policisë është pezulluar nga detyra.
Vrasja e 13-vjeçarit me ngjyrë, është e disata brenda një harku kohor të shkurtër, nga ana e policisë amerikane, për pjesëtarët e këtij komunitetit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
