Ministria e Mbrojtjes ka ftuar të gjithë maturantët që nuk fituan në universitete të bashkohen me Forcat e Armatosura. Gjatë një takimi në Lezhë dhe në Shkodër me të rinj, zëvendës ministri i Mbrojtjes Petro Koçi tha se duke u rekrutuar në ushtri, ata do të kenë mundësi te mira punësimi dhe ngritje në karriere.
“Për tu punësuar në një strukturë dinjitoze të shteti FA zënë vend të parë. Mendoj se kjo nuk është vetëm pjesë e traditës, por edhe e faktit që ne në procesin e rekrutimit përpiqemi të respektojmë standardet për të pasur djem dhe vajza cilësorë”, deklaroi në Lezhë zëvendësministër i Mbrojtjes, Petro Koçi.
Edhe në Shkodër, zëvendësministri Koçi bëri thirrje për t’ju bashkuar ushtrisë.
“Ky sensibilizim mundësisht të trokasë në çdo derë të familjeve tona atdhetare, që kanë djem dhe vajza që plotësojnë kriteret, morale, arsimore, fizike dhe psikologjike që kërkon të qenit pjesë e FA”, u shpreh Koçi.
Në takimet sensibilizuese për rekrutimin e të rinjve si ushtarë profesionistë ishin te pranishëm edhe komandanti i qendrës se personel-rekrutimit, dhe përfaqësues të bashkive.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
