Automjetin e tij sportiv, e kishte plot me kanabis, ndaj një 32-vjeçar nga Tirana me inicialet A. T., nuk i ka qëndruar policisë.
Mbrëmjen e djeshme, rreth orës 23:30, të riut i është bërë me shenjë që të ndalojë, në një postbllok të ndritur nga policia tek “Kthesa e Luftinjës”, në Memaliaj. Por ai i ka dhënë edhe më shumë gaz makinës, duke rrezikuar të shtypë efektivët e policisë.
Pas një ndjekje për disa minuta, 32-vjeçari ka braktisur automjetin tip “Mazda” ,me targa AA 002 LJ, në lagjen numër 4 të qytetit Memaliaj.
Pas kontrollit të ushtruar , në bagazhin e këtij automjeti u gjet dhe u sekuestrua 10.3 kg kanabis.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
