Korpusi Azem Hajdari, pjesë e Partisë Demokratike, ka zbritur në Dibër për zgjedhjet bashkiake që do të mbahen më 11 shtator. Ata do të shpërndahen në të gjithë Bashkinë e Dibrës në mbrojtje të votës.
Që në nisje të fushatës, PD ngriti një strukturë të posaçme që ka si mision monitorimin, verifikimin dhe denoncimim e shantazhit, blerjes së votës apo kërcënimeve në Bashkinë e Dibrës.
Kjo strukturë përbëhet nga mbi 100 persona një pjesë e mirë e tyre ish-punonjës policie. Në ditët e fundit të fushatës, kësaj strukture iu shtua dhe Korpusi Rinor Azem Hajdari, të cilët do të kujdesen për ruajtjen e votës dhe moslejimit të shantazhimit të votuesve, blerjes së votës dhe kërcënimit siç ka ndodhur në zgjedhjet e 2015.
Korpusi është krijuar për të mbrojtur votën. Kjo strukturë e posaçme drejtohet nga kryetari i PD Lulzim Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
