Komiteti për të Drejtat e Njeriut dhe Liritë Civile dhe Punët e Brendshme në Parlamentin Europian ka votuar këtë të hënë pro liberalizimit të vizave për Kosovën.
Raportuesja e posaçme e Parlamentit Europian për Liberalizimin e Vizave për Kosovën, Tanja Fajon, në fjalën e saj para votimit i kërkoi kolegëve që ta përkrahin Kosovën në këtë votim. Ndërsa nga liderët kosovarë, Fajon kërkoi që të përmbushin kriteret që Bashkimi Europian i ka paracaktuar si kushte për liberalizimin e vizave.
“Votimi për Kosovën është shumë i rëndësishëm. Me anë të këtij votimi do t’i dërgojmë Kosovës një mesazh të rëndësishëm. Nga liderët atje kërkoj që t’i respektojnë dhe t’i përmbushin kriteret që Kosovës i janë vënë nga BE-ja. Kërkoj nga kolegët e mi që ta përkrahin Kosovën dhe të votojnë pro”, tha Fajon.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
