Gjatë një dalje për median kreu i Departamentit të Rendit dhe Sigurisë ne PD, Enkelejd Alibeaj ka thënë se edhe pse është denoncuar me foto dhe video kanabisi që ndodhet rreth 2 km larg aeroportit të Rinasit, qeveria Rama nuk ka marrë asnjë masë. Kjo sepse droga e mbjell aty sipas Alibeajt ka lejen e Ramës e Tahirit. Kështu 50 mije rrënjët që janë mbjellë aty janë të paprekshme. Ky është sundimi i bandës së drogës në vend ka thënë më tej Alibeaj.
REAGIMI I PLOTE
Pas denoncimit dy ditë më parë nga kjo foltore, me prova, me foto e me video, për 50 mijë rrënjë drogë 2 kilometra larg Aeroportit Ndërkombëtar të Rinasit, Edi Rama heshti.
Dhe tahiri i tij, që së fundmi organizon ture festive nëpër ca parcela me kanabis, nuk u shfaq.
Pse?
Sepse këto 6 hektarë me drogë, 2 kilometra larg Rinasit, 20 kilometra larg zyrës së Edi Ramës, janë me leje. Janë të paprekshme. Janë të Bushit.
Të gjithë kanë dijeni, nga operativi i zonës, tek polici që ka shtëpinë ngjitur, shefi i komisariatit, drejtori i policisë, tahiri, Rama; por e fshehin, e ruajnë, dhe po bëhen gati ta vjelin e ta hedhin në treg.
Pas denoncimit tonë dy ditë më parë, policia ka bërë sikur ka ndërhyre në një pjesë të parcelës. Ndërkohë që pjesa më e madhe qëndron aty dhe po nxitohet të mblidhet, edhe në këtë moment që flasim.
Ky është sundimi i bandës së drogës në vend.
Biznesi kriminal që bëhet në zemër të vendit, me lejen e Edi Ramës i cili është në krye të skemës së 30 përqind të përfitimit.
Ka ardhur koha që shqiptarët të bashkohen, të ngrihen e të pastrojnë vendin nga droga, nga trafikantët, e nga kumbarët në qeveri.
Shqipëria meriton zhvillim e punë të ndershme, jo krime e drogë.
Shqipëria dhe shqiptarët më mirë pa Edi Ramën.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
