FOTO & EMRI/ Britani, shpërndante kokainë, kapet në flagrancë 24-vjeçari shqiptar

Një shqiptar është arrestuar nga policia britanike pasi është kapur në flagrancë me 15 doza kokainë.
Bëhet fjalë për 24 – vjeçarin Besad Perajn, i cili pas një hetimi policor u dënua nga Gjykata e Kurorës Inner, Londër të martën e 30 gushtit me 4 vjet e 2 muaj burg, pasi u deklarua fajtor për veprat penale: shpërndarje droge, dokumente të rreme të identitetit dhe posedim të pasurisë kriminale.
Shpërndarësi i drogës ka rënë në sy të policisë mbrëmjen e 28 korrikut në rrugën “Bread Stree”, Londër , ku policët gjatë një kontrolli rutinë e pyeten atë për arsyen pse ndodhej në këtë zonë. Por, gjatë marrjes në pyetje nga policia, telefoni i Perajt nuk pushonte së rëni. Këtu lindën dyshimet e policisë për të kryer një kontroll brenda makinës së tij.
Peraj i ka paraqitur oficerëve një patentë portugeze dhe një kartë identitetit, që pasi janë konfirmuar nga policia e emigracionit kanë rezultuar të rreme.
Gjatë kontrollit të makinës policia ka gjetur 15 doza kokainë, të fshehura në timon, të vendosura në tre çorape.
Po kështu janë sekuestruar dhe një sasi parash dhe automjeti .
Si provë tjetër materiale në telefonin e Perajt janë gjendur edhe mesazhe telefonike, të cilat tregojnë se ishin mesazhe për shpërndarjen e drogës, disa prej të cilave ishin në gjuhën shqipe.
Besard Peraj pas përfundimit të dënimit do të kthehet në Shqipëri .
“Ky rast tregon se ne do të bëjmë gjithçka me fuqinë që kemi për të ndaluar shkelësit e ligjit dhe do t’i nxjerrim para gjykatës”, u shpreh detektivi Joe Farrel.
“Ne shpresojmë se dënimi i dhënë për Peraj do të ndryshojë mendjen edhe të tjerëve që merren me veprimtari të ngjashme kriminale”, përfundoi ai.

/DRONI.al/