Një biznesmen shqiptar është vrarë mëngjesin e sotëm në Shtetet e Bashkuara të Amerikës gjatë një tentative grabitjeje në restorantin e tij.
I qëlluari për vdekje është 59-vjeçari Frano Juncaj, i cili u gjet i goditur me plumb në gjoks në derën hyrëse të restorantit me emrin “Coney Island”
Të shtënat ndodhën rreth orës 9.30 të mëngjesit në Detroit në rrugën “South Ethel”.
59-vjeçari e drejtonte biznesin familjar së bashku me të vëllanë, Tony Juncaj, për më shumë se 35 vjet. Mediat amerikane raportojnë se vëllezërit shqiptarë kanë emigruar në SHBA që në vitin 1975.
Dyshimet janë se autorin e zuri paniku gjatë tentativës për grabitje pasi mendohej se mund të njihte viktimën.
Asisenti i shefit të policisë në Detroit Steven Dolunt tha: “Me çfarë dëgjova, Juncaj ishte një njeri shumë miqësor për komunitetin”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
