Policia e Korcës nuk ka gjetur anjë viktimë në fshatin Tudas të Korcës kur vajti atje pas një telefonate nga fshati or banorë të fshatit këmbëngulin për të paktën një të varrë në këtë zonë.
Gazeta Shqiptare raporton sot se një postbllok policie është ngritur nga një automjet i Ministrisë së Brendshme në dalje të Voskopojës, në vendin e quajtur “Kulet”. Mësohet se efektivët kontrollonin çdo automjet që kalonte aty. Banorët e zonës që nuk pranuan të identifikohen thanë se mund të jetë vrarë një person me mbiemrin Llapanji.
“Ka pasur krisma armësh dhe është vrarë një person. Dyshojmë se viktima ka mbiemrin Llapanji. Para disa vitesh ai ka vrarë një person nga fisi i tij po për drogë. Në atë kohë, ai u dënua vetëm me 3 vjet burg, pasi ngjarja u konsiderua si aksidentale”, thanë banorët. Sipas tyre, viktima e ditës së djeshme merrej me kultivimin e hashashit në këtë zonë. Gjithashtu, banorët e Lekasit deklaruan se në zonën e tyre lulëzon hashashi. “Persona nga rrethe të ndryshme të vendit, si Fieri, Elbasani dhe Gramshi, kanë kultivuar në zonën tonë hashash. Ata kanë punësuar banorë të zonës, të cilët paguhen nga 20 mijë deri në 25 mijë lekë në ditë. Tokat tona janë zaptuar, dhe për këtë jemi ankuar disa herë në komunë dhe polici. Këta të fundit janë në dijeni se çfarë ndodh këtu, por deri tani nuk është marrë asnjë masë, ndaj kemi frikë të flasim më shumë, pasi na ikën koka”, u shprehën banorët.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
