18 vjeçarja e arrestuar pak orë më parë nga policia e Tiranës pas denoncimit të një 46 vjeçari për vjedhjen e një telefoni në banesën e tij është balerina Kristjana Ibro, e njohur ndryshe si ‘Kristjana Sexobeat’. Ajo u bë e njohur pas publikimit të bisedave intime me reperin Noizy, (ku u zbula se ka kryer 19 here seks me reperi).Vajza me origjinë nga Korça është diskutuar po ashtu në rrjetet sociale, për shkak të fotografive nudo që publikonte në profilin e saj. Ndërkohë që mësohet se biznesmeni që ka bërë denoncimin është L.Stefani. Sipas policisë, Kristjana Ibro rezulton të jetë dënuar më parë për veprën penale, “Drejtim mjeti pa leje drejtimi”.
NJOFTIMI I POLICISE
Nga ana e specialistëve te Komisariatit Nr 1 ështe bërë i mundur arrestimi në flagrancë e shtetases :
• K. Ibro, 18 vjeçe, lindur në Korçë dhe banuese në Tiranë, e dënuar më parë për veprën penale të, “Drejtim mjeti pa leje drejtimi”
Arrestimi i saj është bërë pasi shtetasi L. S., 46 vjeç, ka kallëzuar se më datë 18.08.2016 në orët e para të mëngjesit në banesën e tij, kjo shtetase i ka vjedhur telefonin e markës iPhone 6S.
Pas veprimeve të para hetimore u sekuestrua në cilesinë e provës materiale kësaj shtetaseje telefoni i markës iPhone 6S.
Materialet i kaluan Prokurorisë pranë Gjykatës Shkallës Parë Tiranë, për hetime të mëtejshme për veprën penale “Vjedhje”, parashikuar nga Neni 134 i Kodit Penal.
